Í viðhaldi fasteigna hefur fyrirtækið áralanga reynslu, m.a. í múrviðgerðum, flísalögnum, málningarvinnu og trésmíðavinnu. Fyrirtækið hefur séð um viðhald fyrir opinbera aðila, fasteignafélög, húsfélög og einstaklinga.
ÁÁ Verktakar eru leiðandi fyrirtæki í háþrýstiþvotti í ýmiskonar hreinsun með heitu og köldu vatni, hvort sem um er að ræða hús, skip eða borholur. Ýmis verk eru unnin árlega fyrir orkufyrirtækin, s.s hreinsun á borholum, varmaskiptum, túrbínum og dísum.
Hjá fyrirtækinu starfa á bilinu 10-15 manns, en það fer eftir verkefnum hverju sinni. 

Stefnan er að halda áfram að skila af sér góðum verkum með því að notast við viðurkennd efni og úrvals fagmenn. Hjá fyrirtækinu starfa fagmenn með áralanga reynslu við magntöku og tilboðsgerð þar sem stuðst er við einingaverð.
ÁÁ verktakar eru vel tækjum búnir og hafa komið sér upp góðri aðstöðu bæði fyrir starfsmenn og tæki. Fyrirtækið er staðsett að Fitjabraut 4 í Njarðvík (Reykjanesbæ). Lóðin, sem er afgirt, er um 3000 m2 og á henni er 400 m2 iðnaðarhúsnæði. Þar er hægt að koma fyrir öllum tækjum fyrirtækisins, annaðhvort inn í upphituðu húsnæði eða í gámum á lóðinni.